Беларусь і Вугоршчына падпісалі дарожную мапу супрацоўніцтва ў атамнай энэргетыцы

Вугоршчына будуе новую АЭС Paks II паводле расейскага праекту. На Беларускай АЭС стаяць два расейскія рэактары ВВЭР-1200 трэцяга пакаленьня, такія ж рэактары плянуецца ўсталяваць на Paks II.

У Будапэшце праходзіць паседжаньне працоўнай групы ў супрацы дзьвюх краін, паведаміла БЕЛТА начальніца аддзелу міжнароднага супрацоўніцтва, рыхтаваньня кадраў і інфармацыйнага забесьпячэньня дэпартамэнту ядзернай энэргетыкі Міністэрства энэргетыкі Беларусі Вольга Казловіч.

Дакумэнт падпісаны ад імя дэпартамэнту ядзернай энэргетыкі Міністэрства энэргетыкі, Беларускай АЭС і АЭС Paks II у межах рэалізацыі мэмарандуму аб узаемаразуменьні паміж Міністэрствам энэргетыкі Беларусі і Міністэрствам замежных справаў і замежнага гандлю Вугоршчыны аб паглыбленьні партнэрства ў сфэры атамнай энэргетыкі.

«Дарожная мапа» прадугледжвае абмен досьведам у разьвіцьці ядзерна-энэргетычнай інфраструктуры, ядзернай і радыяцыйнай бясьпецы, абыходжаньні з радыяактыўнымі адыходамі і адпрацаваным ядзерным палівам, навукова-тэхнічнай падтрымцы эксплюатацыі АЭС.

«Беларусь пасьпяхова рэалізавала праект пабудовы і ўводу ў эксплюатацыю атамнай электрастанцыі і сёньня дзеліцца досьведам з краінамі-партнэрамі, у тым ліку з Вугоршчынай, дзе таксама будуюць новую АЭС паводле расейскага праекту з вода-вадзянымі рэактарамі пакаленьня 3+», — сказала Вольга Казловіч.

Беларуская дэлегацыя вывучае вугорскі досьвед фармаваньня сыстэмы навукова-тэхнічнай падтрымкі АЭС, наведае Цэнтар энэргетычных дасьледаваньняў у Будапэшце.

Беларуская АЭС складаецца з двух энэргаблёкаў сумарнай магутнасьцю да 2400 (2×1200) МВт.

Пасьля запуску БелАЭС Беларусь адмовілася ад імпарту 5 млрд. кубамэтраў расейскага газу ў год, доля электраэнэргіі, што выпрацоўваецца на АЭС, складае ў энэргабалянсе 27-28%.

Генеральны забудоўца БелАЭС і Paks II адзін і той жа — расейскі канцэрн «Росатом».

Праект Paks II быў запачаткаваны ў 2014 годзе міжурадавым пагадненьнем паміж Вугоршчынай і Расеяй аб двух рэактарах ВВЭР-1200, якія паставіць «Росатом», вылучаецца расейскі дзяржаўны крэдыт на фінансаваньне большай часткі праекту. У ліпені 2020 году падалі заяўку на атрыманьне ліцэнзіі для будаўніцтва Paks II за 100 кілямэтраў на паўднёвы захад ад Будапэшта на беразе Дунаю.

Цяперашнія чатыры блёкі старой АЭС Paks — рэактары ВВЭР-440 — збудаваныя з 1982 па 1987 год, яны вырабляюць каля паловы электраэнэргіі краіны.

У красавіку летась Расея пачала вырабляць рэактар для першага энэргаблёку другой чаргі станцыі. Новую АЭС хочуць падлучыць да вугорскіх сетак у пачатку 2030-х гадоў.

Пляны другой АЭС для Беларусі

Тымчасам пра рыхтаваньне беларуска-расейскіх перамоваў аб будаўніцтве другой атамнай электрастанцыі ў Беларусі заявіў міністар энэргетыкі краіны Дзяніс Мароз.

Ён нагадаў, што другую АЭС для Беларусі 13 сакавіка абмяркоўвалі Лукашэнка і Пуцін. Тады Лукашэнка папрасіў Пуціна, каб «Росатом» збудаваў у Беларусі яшчэ адну станцыю.

Спачатку, паводле міністра, будуць абмяркоўваць такія тэхнічныя пытаньні, як кошт новай АЭС, яе парамэтры, на якіх умовах магчымае будаўніцтва.

Такую ідэю Лукашэнка агучваў і раней. Нядаўна ён загаварыў пра гэта, наведваючы Менскі тэхнапарк. Яшчэ ў жніўні 2023 году ён зазначаў, што станцыю можна было б пабудаваць на ўсходзе краіны.

Намесьнік міністра энэргетыкі Расеі Павел Сьнікарс на гэта адказаў, што ў Расеі да ініцыятывы ставяцца «стрымана і з асьцярожнасьцю». У кастрычніку таго ж году Лукашэнка паўтарыў прапанову, дадаўшы, што другая АЭС была б для краіны «вельмі-вельмі выгаднай».

Пад узьвядзеньне першай АЭС, якую збудавалі ў Астраўцы, Менск атрымаў ад Расеі крэдыт на 10 млрд даляраў, плюс каля 10% кошту праекту плянавалася выдаткаваць зь бюджэту Беларусі. У 2019 годзе Лукашэнка ацэньваў кошт праекту ў 7 млрд даляраў.

Пры гэтым вялікія пытаньні наконт мэтазгоднасьці будаўніцтва існуюць ня толькі да патэнцыйнай другой АЭС, але і да ўжо дзейнай. Як з экалягічнага, так і з эканамічнага боку. Розныя блёкі першай беларускай АЭС ня раз прастойвалі, а рамонт іх быў нечаканым для грамадзкасьці, хоць улады задняй датай тлумачылі, што работы «плянавыя».

Таксама былі праблемы з дастаўкай корпусу рэактара, не да канца зразумелае рашэньне пра лёс адыходаў паліва. Улады нярэдка замоўчваюць інфармацыю.

Акрамя таго, паслугі электраэнэргетыкі для насельніцтва ў Беларусі рэгулярна даражэюць. Апошняе такое падаражэньне адбылося 12 сакавіка. Хоць раней Лукашэнка і ягоныя міністры шматкроць запэўнівалі, што АЭС дапаможа стрымліваць цэны на электраэнэргію.

заявіў Міхалевіч падчас пабудовы станцыі

Беларусь і Вугоршчына падпісалі дарожную мапу супрацоўніцтва ў атамнай энэргетыцы

Дакумэнт прадугледжвае супрацу ў на 2025-2027 гадах. Вугоршчына будуе новую АЭС Paks II таксама паводле расейскага праекта. На Беларускай АЭС стаяць два расейскія рэактары ВВЭР-1200 трэцяга пакаленьня, такія ж рэактары плянуецца ўсталяваць на Paks II.

У Будапэшце праходзіць паседжаньне працоўнай групы па супрацоўніцтве дзьвюх краін, паведаміла БЕЛТА начальніца адзьдзела міжнароднага супрацоўніцтва, падрыхтоўкі кадраў і інфармацыйнага забесьпячэньня Дэпартамэнта па ядзернай энэргетыцы Мінэнэрга Беларусі Вольга Казловіч.

Дакумэнт падпісаны Дэпартамэнтам па ядзернай энэргетыцы Міністэрства энэргетыкі, Беларускай АЭС і АЭС Paks II у рамках рэалізацыі мэмарандума аб узаемаразуменьні паміж Міністэрствам энэргетыкі Беларусі і Міністэрствам замежных спраў і зьнешняга гандлю Вугоршчыны аб паглыбленьні партнэрства ў сфэры атамнай энэргетыкі.

Дарожная мапа прадугледжвае абмен досьведам па разьвіцьці ядзерна-энэргетычнай інфраструктуры, ядзернай і радыяцыйнай бясьпекі, абыходжаньня з радыеактыўнымі адходамі і адпрацаваным ядзерным палівам, навукова-тэхнічнай падтрымкі эксплуатацыі АЭС.

«Беларусь пасьпяхова рэалізавала праект па збудаваньні і ўводу ў эксплуатацыю атамнай электрастанцыі і сёньня дзеліцца досьведам з краінамі-партнэрамі, у тым ліку з Вугоршчынай, дзе таксама будуюць новую АЭС па расейскаму праекту з вода-вадзянымі рэактарамі пакаленьня 3+«, – сказала Вольга Казловіч.

Беларуская дэлегацыя вывучае вугорскі досьвед па фармаваньні сыстэмы навукова-тэхнічнай падтрымкі АЭС, наведае Цэнтар энэргетычных дасьледаваньняў у Будапэшце.

Беларуская АЭС складаецца з двух энергаблёкаў сумарнай магутнасьцю да 2400 (2х1200) МВт.

Пасьля запуску Бел АЭС Беларусь адмовілася ад імпарту 5 млрд. кубамэтраў расейскага газу ў год, доля электраэнэргіі, што выпрацоўваецца на АЭС, складае ў энэргабалянсе 27-28%.

Генеральны забудоўшчык БелАЭС і Пакш II адзін і той жа – расейскі канцэрн «Росатам».

https://rosatomnewsletter.com/ru/2024/12/19/paks-ii-picks-up-pace/

https://www.world-nuclear-news.org/articles/paks-ii-gets-key-approval-for-pouring-of-first-concrete

Праект Paks II быў запушчаны ў пачатку 2014 года міжурадавым пагадненьнем паміж Вугоршчынай і Расеяй аб двух рэактарах ВВЭР-1200, якія будуць пастаўляцца »Расатамам«, пры гэтым кантракт падтрымліваецца расейскім дзяржаўным крэдытам на фінансаваньне большай часткі праекта. Заяўка на атрыманьне ліцэнзіі на будаўніцтва была пададзеная ў ліпені 2020 года для будаўніцтва Paks II, за 100 кілямэтраў на паўднёвы захад ад Будапэшта на беразе ракі Дунай.

Ужо існуючыя чатыры блёкі старой АЭС Paks – рэактары ВВЭР-440, якія былі збудаваныя ў пэрыяд з 1982 па 1987 год, яны вырабляюць каля паловы электраэнэргіі краіны.

У красавіку мінулага года Расея пачала выраб рэактара для першага энэргаблёка другой чаргі станцыі. Новую АЭС там хочуць падлучыць да вугорскіх сетак у пачатку 2030-х гадоў.

Пра рыхтаваньне беларуска-расейскіх перамоваў наконт будаўніцтва другой атамнай электрастанцыі ў Беларусі заявіў новы міністар энэргетыкі краіны Дзяніс Мароз. Ягоныя словы перадае БЕЛТА.

«Ставім перад сабой задачу — абмеркаваньне і прэзэнтацыя дакладу для кіраўніка дзяржавы аб будаўніцтве другой беларускай атамнай электрастанцыі», — адзначыў Мароз, гаворачы аб асноўных задачах Міністэрства энэргетыкі на бліжэйшы час.

Ён нагадаў, што другую АЭС для Беларусі 13 сакавіка абмяркоўвалі Лукашэнка і Пуцін. Тады Лукашэнка папрасіў Пуціна, каб «Росатом» збудаваў у Беларусі яшчэ адну станцыю.

Спачатку, паводле міністра, будуць абмяркоўвацца такія тэхнічныя пытаньні, як кошт новай АЭС, яе парамэтры, на якіх умовах магчымае будаўніцтва аб’екту.

Такую ідэю Лукашэнка агучваў і раней. Нядаўна ён загаварыў пра гэта, наведваючы Менскі тэхнапарк. Яшчэ ў жніўні 2023 году ён зазначаў, што станцыю можна было б пабудаваць на ўсходзе краіны.

Намесьнік міністра энэргетыкі Расеі Павел Сьнікарс на гэта адказаў, што ў Расеі да ініцыятывы ставяцца «стрымана і з асьцярожнасьцю». У кастрычніку таго ж году Лукашэнка паўтарыў сваю прапанову, дадаўшы, што другая АЭС была б для краіны «вельмі-вельмі выгаднай».

Пад узьвядзеньне першай АЭС, якую збудавалі ў Астраўцы, Менск атрымаў ад Расеі крэдыт на 10 млрд даляраў, плюс каля 10% кошту праекту плянавалася выдаткаваць зь бюджэту Беларусі. У 2019 годзе Лукашэнка ацэньваў кошт праекту ў 7 млрд даляраў.

Пры гэтым вялікія пытаньні наконт мэтазгоднасьці будаўніцтва існуюць ня толькі да патэнцыйнай другой АЭС, але і да ўжо дзейнай. Як з экалягічнага, так і з эканамічнага боку. Розныя блёкі першай беларускай АЭС ня раз прастойвалі, а рамонт іх быў нечаканым для грамадзкасьці, хоць улады заднім днём тлумачылі, што работы «плянавыя».

Таксама былі праблемы з дастаўкай корпусу рэактара, не да канца зразумелае рашэньне пра лёс адкідаў паліва. Улады нярэдка замоўчваюць інфармацыю.

Акрамя таго, паслугі электраэнэргетыкі для насельніцтва ў Беларусі рэгулярна даражэюць. Апошняе такое падаражэньне адбылося 12 сакавіка. Хоць раней Лукашэнка і ягоныя міністры шмат разоў гаварылі, што АЭС дапаможа ўтрымліваць цэны на электраэнэргію без павышэньня.