Месцам правядзеньня суду абралі мясцовы тэхнічны каледж, піша выданьне «Флагшток».
Паведамляюць, што ў адзін з вечароў абвінавачаныя ў стане алькагольнага ап’яненьня праходзілі каля адміністрацыйнага будынку дзіцяча-юнацкай спартовай школы і зьвярнулі ўвагу на дзяржаўны сьцяг на фасадзе будынку.
«Хлопцы вырвалі яго разам з мэталічным мацаваньнем і, размахваючы, рушылі ў бок шматпавярховіку на вуліцы Гагарына. Падчас руху сарвалі мацаваньне і абламалі драўлянае дрэўка, пасьля чаго выкінулі паламаныя дэталі на прысядзібны ўчастак домаўладаньня побач», — піша мясцовая раённая газэта «Чачэрскі веснік».
Хлопцаў асудзілі на год калёніі агульнага рэжыму. Навучэнцам жа каледжу прачыталі лекцыю пра «неабходнасьць паважлівага стаўленьня да дзяржаўных сымбаляў».
Вырак суду ў сілу не ўступіў і можа быць абскарджаны.
ГЛЯДЗІЦЕ ТАКСАМА: У Беларусі іншаземца за сарваныя дзяржаўныя сьцягі асудзілі на 3 гады калёніі